Tanhai ka Dard Urdu SMS Message Collection

If you are searching for lonely or alone sms collection in Urdu, you may satisfied by this selection. Jab say tu mujy tanha choor gaya hy, meri dunia weran ho gai hy, kahein dil nahi lagta, har pal har lamha tumhara he khayal rehta hy, mujsy es tanhai ka dard “saha” bardasht nhi hota, Tum laot aao gie to yh tanhai ka dard khatam ho sakta hay. Laot aao na pleas.

1. Hawa ke Jhonke ki Tarah Zindagi Mein

hawa ke jhonke ki tarah zindagi mein
chale aaye the tum
khushiyon ki saugaat aur pyaar ke rang
sang laaye the tum

ghum ke gumnaam andhere mein
roshni ban kar chhaaye the tum
chahat ka ehsaas liye sukoon ban kar
dil mein samaye the tum

khushiyon se rangeen thi duniya
har pal jo mere paas the tum
ghum ke badal gehre hain
jabse juda hue ho tum

2. Is Jahaan Mein Mohabbat Kaash na Hoti

Is jahaan mein mohabbat kaash na hoti,
To safar-e-zindagi mein mithaas na hoti,
Agar milti bewafao ko saza mein maut to,
Deewano ki kabrein udaas na hoti,,,
Meri mohabbat ne unhe khushi de di,
Badle mein mujhe khamoshi de di,
Khuda se dua mangi thi marne ki,
Lekin usne bhi kambakht jeene ke liye zindagi de di.

3. Saath Rooti Thi Mere Saath Hansa Karti Thi,

Saath Rooti Thi Mere Saath Hansa Karti Thi,
Wo Larki Jo Mere DiL Mei Basa Karti Thi.

Meri Chahat Ki Talabgar Thi Is Darja Kay,
Wo Musalley Pay Namazon Mei Duaa Karti THi.

Ek Lamhey Ka Bicharna Bhi Giran Tha USko,
Rootey Huwe Mujhko Khud Se Juda Karti Thi.

Mere Dil Mei Raha Karti Thi Dhadkan Ban Kar,
Or Saaye Ki Tarha Saath Raha Karti Thi.

4. Mat Pucho yeh Mujhse k Kab Yaad Aate ho

Mat pucho ye mujhse k kab yaad aate ho..
Jab jab saansein chalti hain bahut yaad aate ho..

Neend mein palkein hoti hain jab bhi bhari..
Banke khwaab baar baar nazar aate ho..

Mehfil mein shaamil hote hain hum jab bhi..
Bhird ki tanhaiyon mein har baar yaad aate ho..

Jab bhi socha k faasla rakhun main tumse..
Zindagi ban k saason mein samaa jaate ho.

5. Main Khush-Naseebi Hoon Teri, Mujhy Raas Hy Tu

Main Khush-Naseebi
Hoon Teri, Mujhy Raas
Hy Tu
Tera Libaas Hoon Main
Aur Mera Libaas hy Tu

Zindagi Meri Tere Gird
Ghoomti Hy Faqat
Aam Hy Sara Jahan
Mere Liye Ek Khaas Hy Tu

Ajeeb Shai Hy
Mohabbat Main Kahin
Chala Jao’n
Tere Qareeb Hoon Main
Meri Pyaas Hy Tu

6. Kabhi jo Ker Sako Aisa to Koshish ker k Dekhna

Kabhi jo ker sako aisa

to koshish ker k dekhna..

mujhe..meri tarah chahna..

faqat meri talab kerna..

phir mujhse door ho jana..

main kahon…bhool jao mujhe..

tum roz duaon may mangna..

main tumse her nata tor lon..

tumse her wo haq chheen lon.

7. Mera Lafz Lafz Dua Dua Mere Aansuon Se Dhula Hua

Mera Lafz Lafz Dua Dua
Mere Aansuon Se Dhula Hua
Tujhay Zindagi Ke Wo Sehar Miley
Tujhay Muhabaton Ka Safar Miley
Tujhay Dard-O-Gam Na Kabhi Choo Sakay
Teri Ankh Kabhi Na Nam Ho Sakay
Tere Pyar Jis Pe Nisar Ho
Wo Hamesha Tere Pas Ho
Tum Pe Khushiyon Ki Barsat Ho
Aur Taweel Teri Hayat Ho
Ye Dua Hai Koi Gila Nahe
Tujhay Zindagi Main Wo Sakoon Milay
Jo Kisi Ko Kabhi Mila Nahe.

8. Khusi Meri Cheen Lee Usne

khusi meri cheen lee usne,
muskurane bhula diya..
gam de diya mujhe,
zindgi bhar rulane ke liye.

kaise jeete wo bichad ke log
ye humne jana hai.
kaise zinda hai wo log ye hamne jana hai..
hamne to apne katil ko dekha tak nhi.

koi kisi se juda ho khuda na kare,
kisi ka pyar bewafa wo khuda na kare,
zuda ho jaye is jism se jaan
yaar ko khuda kabhi zuda na kare.

9. Kiya Hai Tum ne Hum se Ek Waada Yaad Rakhna

Kiya hai tum ne hum se Ek waada yaad rakhna
Bhool na jaana kahin apna irada yaad rakhna

Ab na hamain rulana tum , ab na door jaana tum
Pehle hi seh chuke hain dukh itne ziyada yaad rakhna

Dil to na dukhao ge mujhay choor to na jao ge
Dil main hi base ho tum ab isse abaad rakhna

Tum jo choor jao ge hum to mar hi jayen ge
Tumhare dam se zindagi hai sirf itna yaad rakhna.

10. KHAWAB DAREECHAY

khawab dareechay khul jaaenge

hum tum dono mil jaaenge

pyaar kay jitne geet bane thhay

ab woh saare sur gaaenge

jaane kub say toot chuke jo

woh dono dil jurh jaaenge

ahsan apne pyaar kay woh din

phir say waapas murh aaenge.